காதலின் மீதியோ நீ-2

காதலின் மீதியோ நீ-2

டெல்லியில் தனது ஆபிஸிலிருந்து சைட்டு விசிட்டிற்குக் செல்ல கிளம்பிய ஆயுஷிடம் அவனது அப்பா ஜெகன்னாத்குப்தா வந்து ”ஆயுஷ் அந்த கோல்டன் பில்டிங்க்ல ஏதோ பிரச்சனையாம். அந்த சேர்மனை முதல்ல மாத்தணும்போல. மாசத்துக்கு ஒரு பிரச்சனையைக் கொண்டு வர்றான். கொஞ்சம் போய் பார்த்திட்டு வா. பில்டரும் அதோடு மெயிண்டெனன்ஸும் நம்ம கையிலதானே இருக்கு அதனால நீதான் போய் பார்த்துட்டு வரணும்.நான் போனால் என்னை ஏதாவது சொல்லி ஏமாத்தப் பார்ப்பானுங்க. அப்பார்ட்மெண்ட் கட்டிக்குடுத்து பத்து வருஷத்துக்கு மேலாச்சுது இன்னும் பில்டர்ஸ்ஸுன்னு நம்மைத்தான் கையை நீட்டுறானுங்க”என்று அலுத்துக்கொண்டார்.

ஆயுஷ் அவரைப் பார்த்து லேசாகச் சிரித்தவன்”விடுங்க டாடி நான் பார்த்துக்கிறேன்.அப்புறம் அந்த வீடு சும்மாதானே இருக்கு. அதுல நம்ம வாடகைக்கு ஆள் வைக்கலாமா இல்லை நம்மளுடைய ஆபிஸ் ரூமா மாத்தலாமா? ஏதாவது ஐடியா இருந்தா சொல்லுங்க டாடீ முடிச்சிடலாம்.இன்னைக்கு அங்கப்போய் அந்த வீட்டையும் பார்த்துட்டு வந்திடுறேன். ஆறுமாசமா சும்மாதானே இருக்கு.மோகன் போமிலி போனதும் அப்படியே பூட்டிக்கிடக்கு. யாருக்காவது கொடுக்கவாவது செய்யலாம். எத்தனை வீட்டை வாங்கிப்போடுவீங்க. முடியலப்பா”என்று அலுத்துக் கொண்டு கிளம்பிவிட்டான்.

தங்கை பிரீத்தா கல்யாணமாகி ஜெர்மனி போனதுக்கு அப்புறம் அவனுக்குப் பெர்சனலா ஒரு சிவில் இன்ஞ்சினியர் தேவைப்படுது. அவள் கல்யாணம் முடிஞ்சதும் புருஷன்கூட அங்கயே செட்டில் ஆகிட்டாள். இனி இங்க வரவாய்ப்பேயில்லை! ஹ்ம்ம் நமக்கு நல்லதொரு அசிஸ்டன்ட் கிடைக்கமாட்டுக்காங்களே!” என்று பெருமூச்சுவிட்டவன் நேராக அந்த அப்பார்ட்மெண்டுக்குள் போய்தான் நின்றான்.

ஏற்கனவே சேர்மன் முதற்கொண்டு நிறையபேர் அங்கு பிரச்சனைகள் செய்வதால் அவனைக் கண்டதும் முறைத்துக்கொண்டு நின்றனர்.

அவர்களிடம் சென்றவன் “ஹலோ சார்! என்ன நீங்க இதுல இருக்கு நாலு பில்டிங்கும் சேர்த்து நாங்கதான் கட்டினோம். ஒவ்வொரு பில்டிங்கிலயும் எங்களுக்கும் ப்ளாட்டு இருக்கு. சும்மா சேர்மன்னு ஏதாவது பண்ணிட்டிருத்தீங்க உங்களைத் தூக்கிக் கடாசிட்டு எங்க ஆட்களை யாராவது சேர்மனா போட்றுவோம். இதுதான் கடைசி வார்னிங்க்” வெளியே நிற்கிறோம் என்று எதையுமே யோசிக்காது சரமாரியாகக் பேசி மிரட்டினான்.

அதைக்கண்டதும் சேர்மனுக்கு ஒன்னும் சொல்லமுடியாது முழித்தவர் “சார் சார் எதுனாலும் நம்ம உள்ளப்போய் பேசுவோம் சார்” என்று கையைப் பிடித்துக் கெஞ்சிக்கொண்டிருந்தார்.

அவரது கையில் இருந்த தனது கையை எடுத்தவன் தனது ஒரு விரலை நீட்டி “இங்க இருக்கணும்னா ஒழுங்கா பில்டிங்கை மெயின்டெய்ன் பண்ணுங்க. இல்லையா மொத்தமா நாங்க டெபாசிட் பண்ணி இருக்க எல்லா பணத்தையும் எடுத்திடுவோம், அப்புறம் நீங்கதான் எல்லாமே பார்த்துக்கணும்.எங்களுக்குத் தெரியாமல் இங்க ஒரு பிரச்சினையும் வரக்கூடாது. இனி பிரச்சனைன்னு வந்துச்சு. பில்டிங் கட்டிய நாங்களே மொத்தமா சரியில்லைன்னு இடிக்க ஆர்டர் வாங்கிடுவோம்”என்று மிரட்டிவிட்டு அங்கிருந்து தனது ப்ளாட்டுச் சாவி எடுத்துக்கொண்டு லிப்ட்டிற்குள் போக வந்தான்.

அப்பொழுது ஒற்றை கையில் குழந்தையோட ஒற்றை கையில் ஐஸ்கிரீம் வடிய வடிய தின்று கொண்ட வந்து நின்ற நித்ராவைப் பார்த்தவன் இவளா? என்று யோசனையோடு மேலும் கீழும் பார்த்தான்.

அவளும் ஆயுஷைப் பார்த்து “இவன் எங்க இங்க? நேத்துதானே இவனை மால்ல பார்த்தோம் இவன் எப்படி இங்க நம்ம பில்டிங்கிற்கு வந்தான்?” என்று அவனைப் பார்த்து அதிர்ந்தவள் வாயிலிருந்து ஐஸ்கிரீமை எடுத்துவிட்டு ஆஆஆஆவென்று பார்த்திருந்தாள்.

அதைப்பார்த்தவன் “ம்ம் இங்கேயும் இந்த லோக்கல் கூட்டம் வந்துட்டுப்போல முதல்ல அப்பார்டமெண்ட் ரூல்ஸ்ஸ மாத்தணும்” என்று சத்தமாகச் சொன்னான்.

அதைக் கேட்டதும் அவனை முறைத்துப் பார்த்தாள். இப்போதான் சேர்மனிடம் சண்டை போட்டுட்டு வந்திருக்க அந்த எரிச்சலில் இருந்துவனுக்கு இவளை பார்த்ததும் தாறுமாறாக கோபம் எகிறியது. அதில் வாய்விட்டு சொல்லிவிட்டான்.

அதைக் கேட்டவள் கையில் இருந்து ஐஸ்கிரீமோடு “யாரைப்பாத்து லோக்கல் சொல்லுற? நேத்தே உன் பல்லை நான் அடிச்சு உடைச்சிருக்கணும். அதைப் பண்ணாம விட்டதுதான் தப்பாப்போயிற்று. நீ என்ன எங்கள பார்த்து லோக்கல் சொல்ற நீதான் லோக்கலு தர லோக்கலு” என்று வாய்க்கு வந்த இங்கிலீஷ்ல வெளுத்து வாங்கினாள்.

“ஏய் என்ன மரியாதை இல்லாம பேசுற? இப்படிப் பேசினன்னு வை இந்த பில்டிங்கை விட்டே துரத்திடுவேன் ஜாக்கிரதை”

“ஹான் துரத்துவ துரத்துவ நீ துரத்துற வரைக்கும் நாங்கென்ன புளியங்காவா பறிச்சிட்டிருப்போம். உன்னைத் தூக்கி உள்ள வைச்சிடுவோம்”

அதைப் புரிந்தும் புரியாமலும் அவளை எகிறி அடிக்க வந்தான். அதற்குள் லிப்ட் ஓப்பனாகவும் அமைதியாகிவிட்டான்.

அப்போதுதான் பார்த்தான் எதிரில் நின்றவள் எகிறி எகிறிப்பேசியதில் அவனது சட்டையின் மீது ஐஸ் கிரீம் எல்லாம் தெறித்து அதே ஸ்ட்ராபெர்ரீ நிறத்தில் திட்டுத் திட்டாக எல்லா இடத்திலும் தெறித்திருந்தது.

அவன் எகிறியதில் அவள் பயந்து கையை உதறியதில் இப்போது அவனது முகத்திலும் ஐஸ்கிரீம் பட்டு தெறித்தது.

அவ்வளவுதான் அவளைக் கோபத்தில் பார்த்தவன் அடிப்பதற்கு கைய உங்க லிப்டிலிருந்து ருக்குமணி இறங்கி அவளிடம் வந்தார்.

ஏன்டி குழந்தையைத் தூக்கிட்டு வெளியப் போனவ எவ்வளவு நேரம் இங்கேயே நிற்கிற.வெளிய போனமோ வீட்டுக்கு வந்தம்மான்னு இருக்கணும்ல. இப்படியா பராக்க பாத்துட்டு நிப்ப வா” என்று அவளது கையில் இருந்த பேரனை வாங்கியவர் அப்படியே அவளையும் லிப்டுக்குள் இழுத்துக்கொண்டு சென்று விட்டார்.

ஆயுஷுக்கோ எதுவும் செய்யவும் முடியாது சொல்லவும் முடியாது அந்த சட்டையோடு லிப்ட்டில் ஏறி ஐந்தாவது ஃப்ளோர் பட்டனை அழுத்தினான

அதே ஃப்ளோரை தான் மித்ராவும் அழுத்தினாள். “ஓஹோ நீ என் ஃப்ளோர்லதான் இருக்கபோல! உன்னை நான் என்ன செய்றேன் பாரு” என்று யோசித்தவன் அது யாராக இருக்குமென்று யோசிக்க தவறிவிட்டான்.

இப்பொழுது ஐந்தாவது ப்ளோர் வந்ததும் ருக்குமணி குழந்தையோடு இறங்கவும் நித்ரா இறங்குவதற்குள் சட்டென்று”லிப்ட்டைக்ளோஸ் செய்தவன் அவளை பிடித்து இழுத்து லிப்ட்டின் பக்கவாட்டில் நிறுத்தி தனது கைகளையும் ஊன்றி அவளை சிறைப்பிடித்திருந்தான்.

அவளோ பயப்படாது என்னத்தை செய்திடுவான் என்ற ரீதியில் கெத்தாகப் பார்த்தாள்.

“எவ்வளவு திமிரு இருக்கணும் உனக்கு? நேத்து என் மேல ஜூஸை ஊத்திட்டு ஒரு சாரிக்கூட சொல்லாம ரொம்ப எகிறிப்பேசின. இன்னைக்கு என் மேல வேணும்னே ஐஸ்கிரீம் அதுவும் ஸ்ட்ராபெர்ரீ ஐஸ்க்ரீம் ஊத்திட்டு அப்படியே எஸ்கேப் ஆகலாம்னு பார்க்கிறியா? என்று பேசியவன் அவளது துப்பட்டாவை எடுத்து தனது முகத்தைத் துடைக்கப்போனான்.

உடனே என்ன நினைத்தானோ அதைவிட்டுவிட்டு “உன் ட்ரெஸ்ஸை வைச்சியெல்லாம் நான் துடைப்பேனா என்ன.யூ லோக்கல் டக். ஆனாலும் எப்படி குழந்தைக் கையிலன்னுக் கேட்டா புருஷன் இல்லன்னு தெனாவெட்டா சொல்லுற அப்பவே உன் கேரக்டர் பல்லை இளிக்கிதே.யூ…”என்று ஏதோ சொல்லத் தொடங்கவும் அவனது கன்னத்தில் வேகமாக அடித்திருந்தாள் நித்ரா!

அதை அவன் எதிர்பார்க்கவில்லை என்பது அவனது முகத்திலும் அவன் அடைந்த அதிர்ச்சியிலுமே தெரிந்தது.

“யூ டேர் டெவில். நீ என்னை அடிக்கிறியா ?எவ்வளவு தைரியம் இருக்கணும்” என்று கழுத்தைப் பிடித்து இறுக்கினான்.

அவளோ அவனது கையைத் தள்ளிவிட முயன்றுக் கொண்டிருந்தாள்.

அவளது மூச்சு அடைத்துக் கண்கள் சிவக்கவும் கையை எடுத்தவன் “உன்னைக் இங்கயே கொன்றுப்பேன். இருடி நான் யாருன்னு காண்பிக்கிறேன். நேத்துல இருந்து உன் லோக்கல் மிடில்கிளாஸ் புத்தியைக் காண்பிக்கிற.என்கிட்ட மன்னிப்புக்கூட கேட்காமல் ரொம்பத் திமிரா பேசுற?இருடி நான் யாருன்னு காண்பிக்கிறேன்” என்று வெகுண்டெழுந்தான்.

நித்ரா தனது கழுத்தைத் தடவியவாறே “லூசு மாக்கானாடா நீ? நேத்து நடந்தது ஏதச்சையான செயல்.என்னை அறியாமல் நடந்தது.கையிலக் குழந்தை இருந்ததுனால கவனிக்காம செய்தது.அப்பவே மன்னிப்புக் கேட்டிருப்பேன்.ஆனா முன்னபின்னத் தெரியாத ஒரு பெண்ணை ஜட்ஜ் பண்ணி அசிங்கமா பேசினியே உன் வார்த்தை எவ்வளவு கேவலமா இருத்துச்சுத் தெரியுமா?அதுலயே உன் ஸ்டேட்டஸ் டேஷுத் தெரிஞ்சது.இப்பவும் உன்னைப் பார்த்து ஷாக்தான் ஆனேனே தவிர உன்கிட்ட பேசக்கூடாதுன்னு அமைதியா நின்னா அதுக்கும் சண்டைக்கு வந்த.கையிலிருந்த ஐஸ்க்ரீம் தானாக பேச்சுவாக்குல உன் மேல விழுந்துட்டு.இப்பவும் மன்னிப்புக்கேட்க வாயைத் திறக்கிறதுக்குள்ள நீதான் ஓவரா பேசின.இதுக்குமேல ஏதாவது பண்ணினன்னு வையேன் அப்புறம் இருக்கு உனக்கு. இப்படித் தனியாக இருக்க பொண்ணுக்கிட்ட எவ்ளோ அசிங்கமாவும் பொறுக்கி மாதிரியும் நடந்துக்கிற.இதுக்கே உன் மேல கேஸ் போடமுடியும்.இங்க இந்த லிப்ட்லயும் கேமரா இருக்குன்னு தெரியும்ல ஜாக்கிரதை. இதுக்கு மேல நீ என்கிட்ட ஏதாவது பேசினா பல்லை உடைச்சுக் கையில் தந்திருவேன்டா” என்றவள் லிப்ட் கதவை திறந்து வெளியே போய் விட்டாள்.

அவனும் அந்த பிளோரில் தானே இறங்க வேண்டும் அதனால் இறங்கி இவள் எங்க போனாள் என்று பார்க்க அவளை காணவில்லை.

இன்னைக்கு நீ என்கிட்ட இருந்துத் தப்பிட்ட.ஆனால் என்னைக்காவது நீ என் கையில மாட்டாமலாஸபோவ. நீ தந்த அடியை உனக்கே திருப்பித் தருவேன்டி. அதை நான் உனக்கு பத்து மடங்கா தரலன்னா நான் ஆயுஷ் இல்ல”என சபதம் எடுத்துக் கொண்டான். அதற்கு மேல் அங்கு அவனால் எந்த வேலையும் செய்ய இயலாது வீட்டுக்கு வந்து விட்டான்.

நித்ரா லிப்ட்டுத் திறந்ததும் சிறுத்தையின் வேகமெடுத்து வீட்டுக்குள் நுழைந்து மறைந்துக் கொண்டவளுக்கு இன்னும் இதயம் பலமடங்கு வேகத்தில் அடித்துக்கொண்டது.

தன் நெஞ்சில் கைவைத்து தன்னை நிதானப்படுத்தியவளுக்கு இன்னும் பயம் போகவில்லை.

அவன் கழுத்தைப் பிடித்து இறுக்கியதில் மூச்சடைத்தாலும் கெத்தாகப் பயப்படாது நின்றாள்.

ஆனாலும் பயத்தில் உள்ளுக்குள் உதறல் எடுக்கத்தான் வைத்தது. அதையும் மீறி அவனிடம் தைரியமாக இருந்தாள்.அந்தத் தைரியம் எல்லாமே அவளாக வர வழைத்துக் கொண்டதுதான்.

இன்னும் ஸ்டேட்டஸ்னு சொல்லிட்டு அலையற சைக்கோக்கள் எல்லாம் இருக்கதான் செய்யாறாங்க போல.யப்பா இவனை இனி எங்கேயும் பார்க்கக்கூடாது கடவுளே! அதை விடவும் அவன் என்னை இனி எங்கேயும் பார்க்காமல் பார்த்துக்கங்க சாமி!என்று வேண்டிக்கொண்டவள் மெதுவாக வந்து கதவின் மிரர் வழியாக அவன் நிற்கிறானா? போயிட்டானா? என்று பார்த்தாள்.

அங்கே ஒருத்தரும் இல்லை என்றதும் அப்படியே ஆசுவாசமானவள் போய் உட்கார்ந்து நல்ல மூச்சு வாங்கினாள்.

அதற்குள் ருக்குமணி நேராக வந்து “ஏன்டி ஒரு பொருள் வாங்கச்சொல்லி அனுப்பினா பிள்ளையை மட்டும் சும்மா தூக்கிட்டுப்போய் ஐஸ்கிரீம் வாங்கிட்டு வந்திருக்க.அதையும் ஒழுங்கா திங்காம லிப்ட்டுல ஒருத்தன் மேல தூக்கியெறிஞ்சிருக்க?” என்று சொல்லிக்கொண்டிருக்கும்போதே ஏதோ ஞாபகம் வந்தவர் போல் யோசித்தார்.

“ஏன்டி இந்த லிப்ட் ல இருந்தவன்தானே நேத்து அந்த மால்ல சண்டை போட்டவன். இப்போ எதுக்குடி இங்கு வந்தான். இப்பதானே யோசிக்கிறேன்” என்று நித்ராவின் சந்தேகமாக பார்த்தார்.

அதைக் கேட்டதும் நித்ராவை கண்டாகிவிட்டாள். “இப்பவாது ஞாபகம் வந்துச்சே! அவன் லிப்ட்டுக்குள்ள இருக்கும்போது உங்களுக்கு ஞாபகம் வந்திருக்கனுமா? வேண்டாமா? அந்த பரதேசி இன்னைக்கும் என் கூட சண்டைப்போட்டுத் திட்டிட்டு போறான். என்னத்தை நீங்க இப்படித்தான் ஒரு பொம்பள புள்ளைய காப்பாத்துவீங்க போல?” என்று ருக்மணி மீது குற்றம் சுமத்தினாள்.

அவர் என்ன நடந்தது என்று கேட்டு முடித்தவர் அவனது செயலை கேட்டதும் “அடக்கிராதகா! இவ்ளோ பெரிய சைக்கோவா அவன்” என்று அவனை திட்டி தீர்த்துக் கொண்டிருந்தார்.

“இனிமேல் எங்க போறதா இருந்தாலும் அக்கா கூடயும் இல்ல அத்தைக் கூடவும்தான் போகணும்பா. தனியாகப்போய் இவனை மாதிரி சைக்கோங்ககிட்ட அதுவும் இந்த டெல்லியில் மாட்டிகிட்டு பாஷை தெரியாமல் நான் எப்படி காப்பாத்துங்கன்னு கத்துவேன்? கடவுளே இனி தனியாக கூட வெளியே போகக்கூடாது” என்று ஒரு தீர்மானத்தோடு நித்ரா இருந்தாள்.

அந்த தீர்மானத்தை மாத்திறதுக்காகவே அவளுக்கு வேலைக் கிடைத்து. ஒரே வாரத்தில் மோகனோடு அவனது ஆபிசிற்கு அசிஸ்டன்ட் இன்ஞ்சினியராக வேலைக்குப்போனாள்.

அப்படியே காத்துவாக்குல பிரச்சனைகளையும் வாங்கப்போகிறாள்!